De Chrigel und d Fälli-Glöggler - sini zweit Familie.
Dä Pingu, und das nur, will er eimal es Pinguglacé gässe hät und ihn sither um de Hals treit hät. “De TV hät GV und i han en Pingu…“
Er hät gnau gwüsst, wohi er mit de Fälli-Glöggler möcht. Er hät immer sini eigene Bedürfnis hinder die vom Verein gstellt.
Er hät au immer es offes Ohr für Sörgeli gha, hät eim aber au klar sini Meinig gseit. Sini Meinig hät er immer verträte und anderi akzeptiert so wie’s sind.
Die letzte Jahr hät er als hilfsriiche und vertrauenswürdige Vize zum Vorstand ghört.
I weiss no gnau, wo’s eus frisch geh hät, hät er gmeint, dass er zu eus chunt, aber nu, wänn mir e Holzmaske träged. Sit do, 14 Jahr, hät er immer mitgchrampfet, damit en richtige Verein us üs wird.
Er isch stolze Träger vom Winti Verdienstorde - em Narrli - gsi und das zu recht.
Guggä hät er geliebt, söttig mit Niveau bsonders - da isch er gschmolze, als gäbti’s nüt schöners.
Er hät immer Vollgas geh – sis Motto „Du lebsch nur eimal.........“
Euse Verein hät de Pingu verlore, mir en sehr gutä Fründ, nei eigentli en Brüeder.
Er hät eus fast immer verstande, isch immer hinter eus gstande, wenn mir Hilfe bruucht händ. Es halbs Lebe lang händ mir ihn kännt und händ na soviel vor gha...
Danke für di schön Zeit mit Dir!!!
Chrigel, Du fehlsch eus.... Mir werdet Dich niä vergesse...